गुरुपौर्णिमा

 विंचूर विद्यालयात गुरुपौर्णिमा उत्साहात साजरी .............

विंचूर येथील कर्मवीर भाऊराव पाटील विद्यालयात गुरुपौर्णिमेचा कार्यक्रम संपन्न झाला. याप्रसंगी इयत्ता १० वी अ च्या विद्यार्थ्यांनी कार्यक्रमाचे संपूर्ण नियोजन केले. प्रथम अध्यक्ष निवडीची सूचना कु. वैष्णवी राऊत हिने मांडली. त्यास प्रांजल जेऊघाले हिने अनुमोदन दिले. त्यानंतर कार्यक्रमाचे अध्यक्ष उपमुख्याध्यापक शिंदे आर.व्ही. व व्यासपीठावरील मान्यवरांनी महर्षी व्यास व कर्मवीरांच्या प्रतिमेचे पूजन केले. अनुजा गाडेकर हिने कार्यक्रमाचे प्रास्ताविक केले.  त्यानंतर विद्यार्थ्यानी सर्व शिक्षक व शिक्षकेतर कर्मचारी यांचे औक्षण केले व सर्वांचा गुलाबपुष्प व भेटवस्तू देऊन सत्कार केला. यानंतर विद्यालयातील विद्यार्थी शिवानी दरेकर, अभिषेक वाघ, मंथन शिरसाठ, यश आघाव, तनुश्री दरेकर, दीपिका उगले यांनी आपल्या मनोगतातून गुरुपौर्णिमेचे महत्त्व व गुरुंबद्दल ऋण व्यक्त केले. यानंतर विद्यालयाचे उपशिक्षक व्ही.सी.भोसले यांनी आपल्या मनोगतातून गुरुपौर्णिमा का साजरी करतात याविषयी माहिती दिली. उपमुख्याद्यापक आर.व्ही.शिंदे यांनी अध्यक्षीय भाषण केले. कार्यक्रमाचे सूत्रसंचालन तेजस्विनी थोरात व ओमकार जाधव यांनी केले. शेवटी आभार प्रदर्शन आरती दरेकर हिने केले. कार्यक्रम यशस्वीरीत्या पार पाडल्याबद्दल सर्व विद्यार्थी, शिक्षक व सांस्कृतिक विभाग यांचे विद्यालयाचे प्राचार्य देवढे एन.ई., पर्यवेक्षक डी. टी. जोरे, के.जी.जोपळे, लाइफ मेंबर आर.के.चांदे यांनी अभिनंदन केले.